飲食同食煙好似離唔開咁⋯⋯過往讀書認識嘅朋友，如果係飲食打工仔99%都食煙。然後自己合作過嘅，除左啲新人炒散，老一輩經理級嘅好炒得嘅好有經驗嘅個個都食煙。但離開咗餐飲嘅人，就會突然發現佢哋竟然戒咗煙，仲要好成功嗰隻！
初初入去新公司做嗰陣，一定會有人走嚟問你食唔食煙。我覺得如果食煙嘅話，某程度上係可以令你盡快破冰喺間公司認識多啲人。例如飯後後欄嘅小聚會，你會有入場卷(支煙)，仲可以識埋其他部門啲廚房大佬大姐經理等等。我試過扮哂蟹唔食煙企喺度陪傾⋯⋯但真係唔知做乜9，企喺度食2手煙柒L矇矇咁，又唔識人唔知講乜😟。總之就好格格不入啦。除非熟左，如果唔係39唔識7陪企又唔食真係⋯⋯
其次，我估就係個煙Break啦。除左放水之外，仲有多個呼吸Break。你唔食煙嘅就少咁個幾分鐘on floor嘅休息。我亦覺得好多人一日食咁多支煙，其實都係想喺工作中搵個藉口停一停。雖說唔食煙嘅好似少左個Break咁。但其實個煙Break係用錢買返嚟，因為支煙都好貴下，挽下手可能要送支畀人食。
再者，食煙有提神作用，再加埋杯咖啡，真係對成L日捱夜返十幾個鐘企十幾個鐘無乜休息嘅飲食人士好重要。(雖然好L唔健康，不過返飲食都唔健康🤭⋯⋯)
講咗咁多廢話唔係想提倡食煙，只係想講，如果你做咗飲食好耐，而身處嘅環境好多人都食煙，而你都仲係堅持唔食煙嘅！你真係好L強大。👏👏👏😆
唔食煙但都會扮哂蟹take煙break的人士上🧙
#此帖並無針對食煙人士
#我啲餐飲好朋友大部份都食煙
#我最鐘意同我啲食煙同事借打火機
#我啲食煙同事最憎我借打火機
#咁多間公司崗位從來唔食煙嘅
#就係強大嘅洗碗姐姐🤣👏
Search